തിരുവനന്തപുരം: കേരളത്തില് ഇ-പോസ് മുഖേനയുള്ള റേഷന് വിതരണം ഇന്ന് വീണ്ടും പുനരാരംഭിച്ചു. സര്വര് തകരാര് താല്ക്കാലികമായി പരിഹരിച്ചു.
നിലവിലെ സര്വറുകളില് സൂക്ഷിച്ചിരിക്കുന്ന ഡാറ്റ, ക്ലൗഡ് സ്റ്റോറേജിലേക്ക് മാറ്റി. എന്.ഐ.സി ഹൈദരാബാദിന്റെ നിര്ദേശപ്രകാരമാണ് ഡാറ്റാ മാറ്റിയിരിക്കുന്നത്.
രാവിലെ 8 മണി മുതല് ഉച്ചയ്ക്ക് 1 മണിവരെ മലപ്പുറം, തൃശ്ശൂര്, പാലക്കാട്, കൊല്ലം, ആലപ്പുഴ, പത്തനംതിട്ട, വയനാട് ജില്ലകളിലും ഉച്ചയ്ക്ക് 2 മണി മുതല് 7 മണി വരെ എറണാകുളം, കോഴിക്കോട്, തിരുവനന്തപുരം, കണ്ണൂര്, കോട്ടയം, കാസര്ഗോഡ്, ഇടുക്കി ജില്ലകളിലും റേഷന് വിതരണം നടക്കും. മെയ് 3 വരെ ഈ സമയ ക്രമം പിന്തുണയും. മെയ് 5 വരെ ഏപ്രിലിലെ റേഷന് വിതരണം ഉണ്ടായിരിക്കും. ആറിന് മെയ് മാസത്തെ റേഷന് വിതരണം ആരംഭിക്കും.
നാളെയും തൊഴിലാളി ദിനമായ മേയ് ഒന്നിനും സംസ്ഥാനത്തെ റേഷന് കടകള്ക്ക് അവധിയായിരിക്കും. ഇ-പോസ് മുഖേനയുള്ള റേഷന് വിതരണം സൂക്ഷ്മമായി നിരീക്ഷിക്കുന്നതിനും പ്രശ്നങ്ങള് ഉണ്ടായാല് അടിയന്തര ഇടപെടല് നടത്തുന്നതിനും ജില്ലാ സപ്ലൈ ഓഫീസര് ഉള്പ്പെടെയുള്ള മുഴുവന് ഉദ്യോഗസ്ഥരും ഫീല്ഡില് ഉണ്ടാകുമെന്ന് ഭക്ഷ്യമന്ത്രി ജിആര് അനില് അറിയിച്ചു.
