തിരുവനന്തപുരം: ഗതാഗത നിയമലംഘനത്തിന് ആകാശത്ത് നിന്നും പിടി വീഴും. ഡ്രോണ് അധിഷ്ഠിത എഐ ക്യാമറ പദ്ധതിയുമായി മോട്ടോര് വാഹന വകുപ്പ്.ഗതാഗത കമ്മീഷണര് സര്ക്കാരിന് ശിപാര്ശ നല്കി. ഗതാഗത കമ്മീഷണര് എസ്. ശ്രീജിത്ത് തയ്യാറാക്കിയ പദ്ധതി സംസ്ഥാന സര്ക്കാരിന്റെ പരിഗണനക്ക് അയച്ചു.
ആകാശമാര്ഗം മുക്കിലും മൂലയിലും തിരഞ്ഞ് എവിടെയുള്ള ഗതാഗത നിയമലംഘനവും കണ്ടെത്താനാകുമെന്നതാണ് ഡ്രോണ് വഴിയുള്ള എഐ ക്യാമറയുടെ പ്രത്യേകത.
ഇതിനായി ഏത് തരം ഡ്രോണാണ് പര്യാപ്തമെന്ന് തിരഞ്ഞെടുക്കാന് വിവിധ ഐഐടികളുടെ സഹായം മോട്ടോര് വാഹന വകുപ്പ് തേടിയിട്ടുണ്ട്.
300 കോടിയെങ്കിലും പദ്ധതിക്കായി ചെലവാകുമെന്നാണ് കണക്ക് കൂട്ടുന്നത്. ഇത്തരം ആശയങ്ങള്ക്ക് കേന്ദ്ര സഹായവും ലഭ്യമാകും.
സംസ്ഥാനത്ത് ജൂണ് 5 മുതലാണ് എഐ ക്യാമറ വഴി ഗതാഗത നിയമ ലംഘനങ്ങള്ക്ക് പിഴ ചുമത്തി തുടങ്ങിയത്.
ഒറ്റ മാസം കൊണ്ട് തന്നെ അപകടങ്ങളുടെ എണ്ണവും മരണ നിരക്കും ഗണ്യമായി കുറക്കാനായി.
