സുൽത്താൻ ബത്തേരി: ബത്തേരി എക്സൈസ് റേഞ്ച് പാർട്ടി പുൽപ്പള്ളി പെരിക്കല്ലൂർ കടവ് ഭാഗത്ത് നടത്തിയ പെട്രോളിങ്ങിനിടെ മാരുതി കാറിൽ കടത്തുകയായിരുന്ന ഒന്നേകാൽ കിലോ കഞ്ചാവ് പിടികൂടി.
സംഭവവുമായി ബന്ധപ്പെട്ട് സുൽത്താൻ
ബത്തേരി , സ്കൂൾ കുന്ന് സ്വദേശി പാലത്തി വീട്ടിൽ ജുനൈസ് (32),
കുപ്പാടി മൂന്നാം മൈൽ സ്വദേശി , തയ്യിൽ വീട്ടിൽ സുബിർ (26) എന്നിവരെ അറസ്റ്റ് ചെയ്തു.
സ്ഥിരമായി കർണാടകയിലെ ബൈരകുപ്പയിൽ നിന്നും കഞ്ചാവ് വാങ്ങി , ബത്തേരി ടൗൺ ഭാഗങ്ങളിൽ ചില്ലറ വിൽപന നടത്തി വരികയായിരുന്നു പ്രതികളെന്നാണ് എക്സൈസ് പറയുന്നത്. പിടിച്ചെടുത്ത കഞ്ചാവിന് വിപണിയിൽ 30,000 രൂപ വിലവരും.
ജുനൈസിനെതിരെ ചന്ദന കടത്ത് കേസിലും, അടിപിടി കേസിലും. ബത്തേരി , അമ്പലവയൽ പോലീസ് സ്റ്റേഷനുകളിൽ കേസെടുത്തിട്ടുണ്ട്.,
സുബിർ കഞ്ചാവ് , അടിപിടി കേസുകളിലും പ്രതിയാണ് . എക്സൈസ് ഇൻസ്പെക്ടർ വി ആർ ജനാർദ്ദനന്റെ നേതൃത്വത്തിലുള്ള പട്രോളിംഗ് സംഘത്തിൽ
അസി.എക്സൈസ് ഇൻസ്പെക്ടർ , ബാബുരാജ്, പ്രിവന്റീവ് ഓഫീസർ മനോജ് കുമാർ.പി. കെ,സിവിൽ എക്സൈസ് ഓഫീസർമാരായ അമൽ തോമസ്, ഇ.ബി. ശിവൻ. എം.എം. ബിനു. ഡ്രൈവർ.എൻ.എം. അൻവർ സാദാത്ത് എന്നിവരും ഉണ്ടായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു
